الصفحة الرئيسية خريطة الموقع إتصل بنا
 
 

نفسي يا مصر

  نفسي اشوف الجيران تساعد بعض زي زمان .
  نفسي اشوف الناس مبترميش حاجة علي الارض .
  نفسي اشوف العمل الجماعي في مصر .
  نفسي اشوف كل واحد بيشتغل في تخصصة .
  نفسي اشوف التعليم المجاني زي التعليم البريطاني .
  نفسي اشوف التغير يكون في صالح الفقير .
  نفسي اشوف الناس هي اللي بتغير نفسها .
  نفسي اشوف فرصة لاظهار ابداع كل فرد .
  نفسي اشوف مصر منغير واسطه .
  نفسي اشوف الناس بتعرف تتكلم مع بعضها .
  نفسي اشوف الشوارع نظيفة .
  نفسي اشوف الناس بتحترم اشارات المرور .
  نفسي اقضي مصلحة من غير مطلع فلوس من جيبي .
  نفسي ماخدش شهادة من برة عشان يقولوا اني متعلم .
  نفسي ما شوفش حد بيعاكس .
  نفسي ما شوفش الشباب واقف عند الاكشاك .
  نفسي ما شوفش الناس ماشية عكسي .

تنظيف الشوارع

عايزين نخلي بلدنا انضف بلد في الدنيا مش هنقدر نعمل كدة الا لما كلنا نبقي ايد واحدة علشان ننضفها دلوقتي عمال النظافة عاملين اعتصام وشوارع مصر كلها مليانة زبالة غير الطوب والمخلفات اثر الايام اللي فاتت يا ريت اللي يقدر يعمل حملة من جوة الشارع بتاعه بس نتكاتف مع بعض مثلا نتبرع بأدوات النظافة ، نطلع تبرعات للعمال المسؤلين عن النظافة الخ .....المهم كلنا نرجع مصر نظيفه .

مشكلة البائعين

كلنا شايفين ان  كل السوبر ماركت غلو اوي اوي في الاسعار والمحلات الصغيرة هي الخاسر الاكبر يا ريت لو نقدر كلنا نساعد الناس ونشتري منهم اللي نقدر علية  حتي لو المحلات دي مش هتلبي كل احتياجتنا بس علي الاقل نقدر نساعد بحاجة  .

عمال اليومية

ربنا يعدي الايام العصيبة دي علي خير بس في ناس بيننا بتشتغل باليومية يعني بتجيب قوت يوم بيوم الناس دي اتضرت جامد قوي من الايام اللي فاتت وكمان الايام الجاية هتبقي اصعب عليهم .نقدر نساعدهم باللي نقدر عليه (فلوس- اكل -وجبات يومية) او حتي الاتجاة لاي جمعية خيرية للمساهمة بالمجهود لتوصيل متطلباتهم اليهم عايزين نبقي مصريين بجد ايد واحدة روح واحدة .

حملة التبرع بالدم

في ناس كتير مصابة محتاجة دم نقدر كلنا نساعد بدمنا .
وهذه هي الشروط الأساسية لتبرعنا بالدم سواء في بنوك الدم أو المستشفيات أوالمراكز : 
1- ان سن المتبرع يتراوح ما بين 17 الى 65 سنة.
2- ان يكون وزن المتبرع لا يقل عن 50 كيلو جرام بنات والشباب لا يقل الوزن عن 60 كيلو جرام.
3- عدم تناول المتبرع أي مضاد حيوي وأن تكون آخر مرة تناول أي مضاد حيوي مر عليها أسبوعين.
4- أن لا يكون لديه اي مرض بالاسنان ويكون مر 6 شهور على اي أجراء او عملية بالأسنان.
5- أن يكون مر أربعة أشهر على الأقل على آخر مرة تم التبرع بالدم فيها.
6- أن لا يكون مصاب بالأمراض التالية:السكر - الضغط(عالي أو واطي)-الأنيميا - أمراض الغدة الدرقية - أمراض القلب - الدرن - الصرع - فيروس الكبد الوبائي بي وسي - امراض تكسير كرات الدم - الملاريا - الزهري -الأيدز.

تتبعنا علي الفيسبوك

   
follow us